Shvetsiya Ukrainaga 1,3 milliard dollarlik harbiy paket doirasida samolyotlarni topshirdi
Erieye radarlariga ega samolyotlarning samarali kuzatuv maydoni 500 ming kvadrat kilometrdan ko‘proq maydonni egallashi ta’kidlanmoqda.
Shvetsiya Ukrainaga 1,3 milliard dollarlik eng yirik harbiy yordam paketining bir qismi sifatida samolyotlar va zirhli transport vositalarini hadya qildi.
Bu haqda Shvetsiya mudofaa vaziri Pol Yunson ma’lum qildi, deb xabar berdi Sydsvenskan.
Ta’minot tarkibiga o‘quv va texnik jihozlarga ega ikkita Saab ASC 890 radiolokatsiya razvedkasi va nazorati samolyoti kirgan.
Qayd qilinishicha, Erieye radarlariga ega samolyotning samarali kuzatuv maydoni 500 ming kvadrat kilometrdan ko‘proq maydonni egallaydi va qiruvchi samolyotlar, vertolyotlar va qanotli raketalarni aniqlash va kuzatishga yordam beradi.
Yunsonning ta’kidlashicha, bu «havo va dengizdagi nishonlarga qarshi mutlaqo yangi radiolokatsiya razvedkasi va nazoratini» ta’minlaydi.
Ushbu harbiy yordam paketi Shvetsiya uchun o‘n oltinchisi bo‘lib, undan Rb 99 raketalari, Pansarbandvagn 302 zirhli transportlari, artilleriya o‘q-dorilari, avvalroq berilgan texnikalarga xizmat ko‘rsatish uchun materiallar joy olgan.
Mavzuga oid
20:45 / 21.09.2024
Zelenskiy Rossiya bilan muzokara uchun «uchta band» tayyorlayotganini ma’lum qildi
17:47 / 21.09.2024
Ukrainadagi urushning hozirgi pallasi: ekspertlar sharhi
16:30 / 21.09.2024
Ukrainada 300 dan ortiq aholi punkti nomi o‘zgartiriladi
12:10 / 21.09.2024