Gulistonda suv ta’minoti xodimi halok bo‘lgan holat bo‘yicha jinoyat ishi qo‘zg‘atildi
Uch nafar ishchi inshootning dastlabki tozalash kamerasidan o‘tgan markaziy suv quvurini tozalash uchun tushganda chiqindilardan chiqqan gazdan zaharlangan.
Avvalroq Guliston shahrida “Sirdaryo suv ta’minoti” AJning uch nafar ishchisi chiqindi suvni haydaydigan quvurga tushib ketgani, ularning biri halok bo‘lgani, ikki nafarining ahvoli og‘ir ekanligi haqida xabar bergandik.
Viloyat IIB axborot xizmatining xabar berishicha, ishchilar “Sirdaryo suv ta’minoti” AJ Guliston shahar bo‘limiga qarashli 5-oqova suv haydash nasos stansiyasi inshootining dastlabki tozalash kamerasidan o‘tgan markaziy suv quvuriga tozalash maqsadida tushgan.
Shu paytda ular chiqindilardan chiqqan gazdan zaharlangan va oqibatda bir ishchi halok bo‘lgan. Ikki nafar ishchi “Noma’lum zaharlanish” tashxisi bilan Respublika shoshilinch tibbiy yordam ilmiy markazi, Sirdaryo viloyati filialining jonlantirish bo‘limiga yotqizilgan.
Qayd etilishicha, holat yuzasidan Jinoyat kodeksining 257-moddasi 2-qismining (Mehnatni muhofaza qilish qoidalarini buzish odam o‘limiga sabab bo‘lgan bo‘lsa) tegishli bandlari bilan jinoyat ishi qo‘zg‘atilgan. Hozirda tergov harakatlari olib borilmoqda.
Mavzuga oid
19:22
Tadbirkorlarni quyosh paneli olishga majburlagan Sirdaryo HETK: “Prezident qarori noto‘g‘ri talqin qilingan”
08:58
Sirdaryoda elektrdan uzilgan tadbirkorlar hokimiyat binosi oldiga yig‘ildi
21:19 / 05.09.2024
Uchta viloyat chegarasiga o‘zgartirish kiritilmoqda
11:32 / 11.08.2024