Londonda O‘zbekiston kompaniyalarining Britaniya bozoriga kirishi masalasi muhokama qilindi
O‘zbekistonning Britaniyadagi elchixonasida Parker Russell kompaniyasi ijrochi direktori Jyeyson Parker bilan ikki tomonlama uchrashuv o‘tkazildi.
"Dunyo" xabariga ko‘ra, Parker Russell - dunyo bo‘ylab sertifikatlangan buxgalteriya, xalqaro audit, soliq va huquqiy sohalarda xizmat ko‘rsatuvchi yirik konsalting kompaniya hisoblanadi. Ushbu tashkilot korxonalar va jismoniy shaxslarga audit va buxgalteriya, soliq, moliyaviy, konsalting hamda yuridik xizmatlarni taqdim etadi. Hozirgi kunda dunyoning 75 mamlakatida kompaniyaning doimiy ofislari mavjud. O‘zbekistonda Parker Russell tashkilotining faoliyati 2003 yilda ta’sis etilgan.
Muloqot davomida Jyeyson Parker tomonidan mazkur tashkilot va uning faoliyati bilan batafsil tanishtirilib, hozirda kompaniyaning O‘zbekiston yirik biznes sub’yektlari hamda tadbirkorlariga Britaniya bozorlariga kirishda, qolaversa respublikaga xorijiy investitsiyalarni jalb etish amaliyotlariga o‘zining ko‘magini ko‘rsatishga tayyorligi bildirildi.
Shuningdek, suhbat davomida Jyeyson Parker tashkilotining O‘zbekistonga bo‘lajak tashrifi doirasida Investitsiyalar, sanoat va savdo vazirligi, Adliya vazirligi hamda Savdo-sanoat palatasida ikki tomonlama uchrashuvlar o‘tkazish bo‘yicha kelishuvga erishildi.
Mavzuga oid
10:30 / 20.09.2024
O‘zbekiston va Britaniya bo‘lajak diplomatlarni tayyorlash sohasida hamkorlik qilishi mumkin
22:48 / 18.09.2024
Britaniyada kapalaklar kamayib ketayotgani tufayli «favqulodda holat» e’lon qilindi
13:12 / 18.09.2024
Buyuk Britaniyada qirollik fermasi uchun cho‘pon qidirilmoqda
22:37 / 17.09.2024