Georgian Airlines aviakompaniyasi Navoiyga yuk parvozlarini yo‘lga qo‘ydi
Kompaniya Xitoydan Gruziyaga yuk tashuvchi samolyotlarda Navoiyda texnik to‘xtash bilan reyslarni amalga oshiradi.
8 avgust kuni Gruziyaning Georgian Airlines aviakompaniyasi Xaykou (Xitoy) – Navoiy – Tbilisi (Gruziya) yo‘nalishi bo‘yicha birinchi charter yuk reysini amalga oshirdi.
«Gruziya samolyoti mahalliy vaqt bilan soat 16:43 da Navoiy aeroportiga qo‘ndi. An’anaga ko‘ra, yuk tashuvchi samolyot suv arkasi bilan tantanali ravishda kutib olindi», deb xabar berdi Uzbekistan Airports.
Qayd qilinishicha, Xitoydan Gruziyaga reyslar haftasiga ikki marta Boeing 767-300 yuk tashuvchi samolyotlarida Navoiyda texnik to‘xtash bilan amalga oshirilishi rejalashtirilgan.
Georgian Airlines - Gruziyaning eng yirik xususiy aviatashuvchisi bo‘lib, shtab-kvartirasi Tbilisida joylashgan.
Mavzuga oid
01:19 / 07.09.2024
Germaniya aviareyslarni kechiktirish va bekor qilish soni bo‘yicha yetakchiga aylandi
18:23 / 06.09.2024
Lufthansa Germaniyadan O‘zbekistonga aviaqatnovlarini tiklashi mumkin
22:38 / 06.08.2024
Gruziya parlamenti spikeri Saakashvili afv etilishi mumkinligini aytdi
08:15 / 02.08.2024