Xorazmda noqonuniy saqlanayotgan sher hayvonot bog‘iga topshirildi
Uni saqlab kelgan fuqaro jarimaga tortildi.
Xorazm viloyati, Urganch shahridagi «Ashxobod» mahallasida joylashgan binoda sher noqonuniy saqlanayotgani aniqlandi.
Ekologiya boshqarmasi hamda IIB xodimlari hamkorligida o‘tkazilgan reydda qonunbuzar fuqaroga nisbatan Ma’muriy javobgarlik to‘g‘risidagi Kodeksning 92-moddasiga ko‘ra bayonnoma rasmiylashtirilgan. U bazaviy hisoblash miqdorining 5 barobari — 1 million 700 ming so‘m miqdorida jarimaga tortilgan.
Ta’kidlanishicha, sher vaqtincha saqlash uchun Qoraqalpog‘iston Respublikasi Nukus shahrida joylashgan hayvonot bog‘iga topshirilgan.
Holatga aniqlik kiritish, sher fuqaroning qo‘liga qanday tushib qolganini aniqlash maqsadida surishtiruv boshlangan.
Mavzuga oid
22:32 / 19.09.2024
Chang bo‘ronlariga qarshi kurashish va oqibatlarini yumshatish bo‘yicha milliy dastur ishlab chiqildi
10:06 / 19.09.2024
“Omonqo‘ton” milliy tabiat bog‘idagi noqonuniy yo‘l: prokuratura jinoyat ishi qo‘zg‘atdi
18:40 / 18.09.2024
Urganch davlat universiteti tomonidan o‘tkazilgan tenderda qonunbuzilishi aniqlandi
21:39 / 17.09.2024