Kambag‘allikni qisqartirish bo‘yicha o‘zgarish bo‘lmayotgan hududlar ma’lum qilindi
Birinchi yarim yillikda Navoiy, Surxondaryo va Farg‘ona viloyatlari hamda Toshkent shahridagi kambag‘allik darajasida ijobiy o‘zgarish bo‘lmagan. 15 ta tumanda kambag‘allik 20 foizdan yuqoriligicha qolmoqda. 16 ta tumanda esa aholiga bo‘lib berilgan yerlarda 2-3 martadan hosil olish hisobiga kambag‘allik 2 karra kamaygan.
Kambag‘allikni qisqartirish bo‘yicha ishlar ahvoli hamma viloyat va tumanda ham bir xil emas, deya ta’kidladi prezident Shavkat Mirziyoyev 11 sentabr kungi selektorda.
Davlat rahbariga ko‘ra, o‘tgan olti oyda Andijon, Buxoro, Jizzax, Qashqadaryo va Xorazmda kambag‘allik 2 foizdan ortiq kamaygan bo‘lsa, Navoiy, Surxondaryo, Farg‘ona va Toshkent shahrida o‘zgarish bo‘lmagan.
Respublikaning 15 ta tumanida kambag‘allik 20 foizdan yuqori. Bular – Amudaryo, Beruniy, Qonliko‘l, Nukus, Taxtako‘pir, Xo‘jayli, Chimboy, Guliston, Mirzaobod, Oqoltin, Sardoba, Gurlan, Yangiariq, Yangibozor va Tuproqqal’a.
Bu tumanlarda kambag‘allikni qisqartirish uchun uch yilda 1,7 trillion so‘mlik arzon kredit va subsidiya berilgan bo‘lsada, o‘zgarish bo‘lmagan.
Aholiga bo‘lib berilgan yerlar bo‘yicha 16 ta tumanda 2-3 martadan hosil olish hisobiga kambag‘allik 2 karra kamaydi. Bular – Paxtaobod, Baliqchi, Gurlan, Xonqa, Oltiariq, Dang‘ara, Konimex, Boyovut, Jomboy, Shofirkon, Sh.Rashidov, Zomin, Shahrisabz, O‘rtachirchiq, Bo‘ka, Taxiatosh tumanlari.
Lekin, 14 ta tuman – Qonliko‘l, Shumanay, Qorovulbozor, Peshku, Chiroqchi, Muborak, Nurobod, Oqoltin, Muzrabot, Bandixon, Qiziriq, Ohangaron, Parkent, Tuproqqal’ada o‘zgarish sezilmayapti.
Tuman hokimlari, ularning iqtisodiyot va qishloq xo‘jaligi bo‘yicha o‘rinbosarlariga bu boradagi faoliyati sustligi bo‘yicha qat’iy e’tiroz bildirildi.
Mavzuga oid
16:27 / 20.09.2024
O‘zbekiston prezidenti yangi tayinlangan elchilarning ishonch yorliqlarini qabul qildi
22:35 / 19.09.2024
«Tibbiy xizmatlar mehmondo‘stligi» dasturi amalga oshiriladi
22:32 / 19.09.2024
Chang bo‘ronlariga qarshi kurashish va oqibatlarini yumshatish bo‘yicha milliy dastur ishlab chiqildi
22:30 / 19.09.2024