Urganchda 2,9 mlrd so‘mlik noqonuniy dori vositalari aniqlandi
Davlat xavfsizlik xizmatining Xorazm viloyati bo‘yicha boshqarmasi xodimlari tomonidan boshqa huquqni muhofaza qiluvchi idoralar bilan hamkorlikda tezkor tadbir o‘tkazilgan.
DXX xabariga ko‘ra, unda Urganch shahrida istiqomat qiluvchi fuqaro o‘zining yashash xonadonida 64 452 dona dori vositalarini kelgusida sotish maqsadida saqlab kelayotganligi aniqlandi.
Baholash faoliyati bilan shug‘ullanuvchi MChJ xulosasiga ko‘ra, mazkur dori vositalarining umumiy qiymati 2 908 608 000 so‘mni tashkil qiladi.
Sog‘liqni saqlash vazirligining “Farmatsevtika mahsulotlari xavfsizligi markazi” DM ekspertiza tekshiruvi xulosasiga ko‘ra, ushbu dori vositalarining ayrim turlariga nisbatan muvofiqlik sertifikatlari rasmiylashtirilmaganligi, ayrimlari esa sifatsiz va yaroqsiz holatda ekanligi ma’lum bo‘ldi.
Hozirda holat yuzasidan mazkur shaxsga nisbatan Jinoyat kodeksining 186-3-moddasi 3-qismi “a” bandi bilan jinoyat ishi qo‘zg‘atilib, tergov harakatlari olib borilmoqda.
Mavzuga oid
09:00 / 09.09.2024
Toshkentda kuchli ta’sir qiluvchi dorilarni sotayotgan shaxs ushlandi
07:08 / 30.08.2024
Yuzlab dorixonalarda dorilar narxi asossiz oshirib sotilgani aniqlandi
14:57 / 24.08.2024
AQShda kuchli qon ketishini bir necha soniyada to‘xtatadigan geldan foydalanish boshlandi
10:10 / 02.08.2024