O‘zbekiston TIV rahbari Nyu-Yorkda IHT yangi bosh kotibi bilan uchrashdi
Asad Majid Xon bilan suhbat davomida Toshkent sammitida erishilgan barcha kelishuvlarni amalga oshirish jarayoni muhokama qilindi.
O‘zbekiston tashqi ishlar vaziri Baxtiyor Saidov Nyu-York shahrida Iqtisodiy hamkorlik tashkilotining yangi bosh kotibi, pokistonlik Asad Majid Xon bilan uchrashdi.
"Iqtisodiy hamkorlik tashkiloti Bosh kotibi Asad M. Xon janoblari bilan suhbatimiz davomida Toshkent sammitida erishilgan barcha kelishuvlarni amalga oshirish jarayonini muhokama qildik", – deb yozdi O‘zbekiston Tashqi ishlar vazirligi rahbari.
Qayd etilishicha, IHTga a’zo mamlakatlar vakillari yanada faol va samarali hamkorlik qilishlari uchun eng qulay shart-sharoitlarni yaratish juda muhim sanaladi.
2023 yil 9 noyabr kuni Toshkent shahrida O‘zbekiston prezidenti raisligida "Hamkorlikda iqtisodiy barqarorlik va taraqqiyot sari" shiori ostida Iqtisodiy hamkorlik tashkilotining 16-sammiti bo‘lib o‘tdi.
Mavzuga oid
11:01
Saidov Lavrov bilan uchrashdi. Tomonlar bir-birining ichki ishlariga aralashmaslik tamoyiliga amal qilish muhimligini ta’kidladi
20:47 / 26.09.2024
Baxtiyor Saidov BMT Bosh Assambleyasida qator takliflarni ilgari surdi
14:10 / 25.09.2024
O‘zbekiston tashqi ishlar vaziri Eron tashqi siyosat idorasi yangi rahbari bilan uchrashdi
15:03 / 05.09.2024