Qoʻshimcha funksionallar
-
Tungi ko‘rinish
Apple M4 chipi o‘rnatilgan Macbook Pro’ni taqdim etdi
Qurilmaga o‘rnatilgan akkumulyator uning 24 soatgacha uzluksiz ishlashini ta’minlab beradi - bu Macbook uchun rekord.
Foto: Apple
Apple kompaniyasi M4 oilasiga kiruvchi chipda ishlaydigan va Apple Intelligence sun’iy intellekt tizimini qo‘llab-quvvatlaydigan yangi Macbook Pro noutbugini namoyish etdi.
«M4 chipiga ega Macbook Pro noutbugi 13 dyuymli M1 chipi o‘rnatilgan Macbook Pro’dan ko‘ra gigapikselli suratlarni 1,8 barobar tezroq tahrirlaydi, Blender’dagi murakkab sahnalarni esa 3,4 barobarga tezroq saqlaydi», — deyiladi xabarda.
Noutbukning ikki xil — qora hamda kumush rangidagi 14 va 16 dyuymli modellari sotuvga chiqadi, ularning barchasiga Liquid Retina XDR displeyi va 12 megapikselli Center Stage kamerasi o‘rnatilgan. Qurilmaga o‘rnatilgan akkumulyator uning 24 soatgacha uzluksiz ishlashini ta’minlab beradi — bu Macbook uchun rekord.
Noutbuklar AQShdagi do‘konlarda 8 noyabrdan sotuvga chiqadi. Minimal jamlanmadagi 14 dyuymli ekran va M4 chipiga ega Macbook narxi 1,5 ming dollarni tashkil etadi. 16 dyuymli ekran va M4 Max chipi o‘rnatilgan 16 dyuymli Macbook esa 3,9 ming dollardan sotiladi.
Avvalroq Apple M4 chipli yangi iMac kompyuterini taqdim etgandi. Asosiy model narxi 1299 dollardan boshlanadi, 10 yadroli protsessorga ega yangilangan versiya esa 1499 dollar turadi. Kompyuterlarga 28 oktyabrdan boshlab oldindan buyurtma berish mumkin, sotuvlar 8 noyabrdan boshlanadi.
