WikiLeaks Ассанжни интернетдан мосуво қилган томонни маълум қилди

Фото: AP

Эквадор ҳукумати WikiLeaks асосчиси Жулиан Ассанжни жаҳон интернет тармоғига уланиш имкониятидан маҳрум қилган. Бу ҳақда, сайтнинг Твиттердаги микроблогида хабар қилинмоқда.

«Биз Эквадор Ассанжнинг шанба куни интернетга уланишига йўл қўймаганини тасдиқлаймиз», — дейилади хабарда.

Таъкидланишича, Ассанж АҚШ президентлигига Демократик партия номзоди Ҳиллари Клинтоннинг Goldman Sachs корпорациясидаги нутқи сайтда эълон қилингач, интернет уланишдан маҳрум қилинган.

Аввалроқ, WikiLeaks сайтининг Лондондаги Эквадор элчихонасида истиқомат қилувчи асосчиси Жулиан Ассанж интернети ўчирилгани хабар қилинган эди.

#Лондон #Ҳиллари Клинтон #WikiLeaks #Ассанж #Эквадор