Шавкат Мирзиёевни Қуддус шаҳрига таклиф этишди

Исроил бош вазири Биньямин Нетаньяху Ўзбекистон Президенти Шавкат Мирзиёевни Исроилга ташриф билан келишга таклиф этди. Бу ҳақда у Ўзбекистон Президентига йўллаган қутлов мактубида маълум қилган. Мактуб матни ЎзА томонидан тақдим этилди.

“Сизни Ўзбекистон Республикаси Президенти этиб сайланганингиз билан Исроил ҳукумати номидан муборакбод этишга ижозат бергайсиз. Сизга мамлакатингизни тараққиёт ва фаровонлик йўлида янада ривожлантиришда улкан муваффақиятлар тилайман”, - дея таъкидлаб ўтган Нетаньяху. 

“Исроил ва Ўзбекистон ўртасидаги алоқалар бундан буён ҳам ривожланишига ишонаман. Сизни ўзингизга қулай вақтда Исроилга ташриф билан келишга таклиф этаман. Ташрифингиз давомида Қуддус шаҳрида Сизни қутлаш ва мамлакатларимиз ўртасидаги дўстлик муносабатлари ҳамда ҳамкорликни ривожлантириш истиқболларини муҳокама қилиш менга мамнуният бағишлайди”, - дейилади мактубда.