Қўшимча функционаллар
-
Тунги кўриниш
Жаҳон | 22:16 / 03.05.2017
6924
1 дақиқада ўқилади
АҚШда жип ҳайдовчиси одамларни босиб кетиши оқибатида 2 киши ҳалок бўлди
Фото:Screengrab CBS Boston
АҚШнинг Массачусетс штатида ўтаётган автомобиль аукционида жип ҳайдовчиси машинасида одамларни босиб кетди. Бунинг оқибатида 2 киши ҳалок бўлган, 10 киши жароҳат олган, деб хабар бермоқда маҳаллий NECN телеканали.
Гувоҳларнинг айтишича, Jeep Cherokee русумидаги автомобиль рулида кекса эркак ўтирган. У бошқарувни қўлдан чиқариб, Билларика шаҳрида ўтаётган аукционга ташриф буюрганларни босиб кетиб, сўнг деворга урилиб тўхтаган.
Маҳаллий шифохона вакилининг маълум қилишича, воқеа жойидан 6 киши шифохонага олиб кетилган, улардан кўпчилиги ёмон аҳволда.
Гувоҳларнинг таъкидлашларича, қариянинг ҳаракатларида ғаразлик бўлмаган.
