Филиппинда жангарилар 19 нафар тинч аҳоли вакилини ўлдиришди

Жангарилар Филиппин жанубида 19 кишини ўлдиришди, ҳукумат қўшини ва террорчилар ўртасидаги тўқнашувларнинг умумий қурбонлари сони 85 кишига етди. Бу ҳақида ҳарбийлар маълумотига асосланиб, France Press хабар берди.

Филиппин ҳукумати маълумотларига кўра, жангариларнинг тинч аҳоли вакилларини ўлдириши ҳозирда ҳукумат қуролли кучлари ҳамда ИШИД террорчи гуруҳини қўллаб-қувватловчилар ўртасида зиддият кузатилаётган Марави шаҳрида рўй берган. Ҳалок бўлганлар орасида 3 нафар аёл ва бир бола ҳам бор. Қурбонлар жасади шаҳардаги университет яқинидан ҳарбийлар томонидан топилган. 

"Бу тинч аҳоли вакиллари, аёллар... Биз уларнинг жасадини қидирув-қутқарув операцияси давомида топдик", - дейди ҳарбийлардан бири. 

Таъкидлаш жоизки, Филиппин армияси Марави шаҳри жанубида жами 13 жангарини йўқ қилди.