Саудия Арабистони ва Баҳрайн Қатар билан дипломатик алоқаларни узди

Саудия Арабистон ва Баҳрайн ҳукумати Қатар билан дипломатик алоқаларни узиш ҳақида қарор қабул қилди, деб хабар бермоқда Reuters.

Баҳрайн Қатарни ички сиёсатга аралашишда айблаган. Таъкидланишича, Баҳрайн Қатар билан транспорт, денгиз ва ҳаво қатновини 24 соат ичида тўхтатади.

Шу билан бирга, Қатар фуқароларига Баҳрайнни тарк этиш учун 14 кун берилди.

Ўз навбатида Саудия Арабистони Қатар билан дипломатик ва консуллик алоқаларини “халқаро ҳуқуқ томонидан кафолатланган суверен ҳуқуқ асосида ва миллий хавфсизликни терроризм ҳамда экстремизмдан ҳимоя қилиш мақсадида” узган.

#Саудия Арабистони #Қатар #Баҳрайн

Форс кўрфазида жиддий сиёсий инқироз юзага келди. Саудия Арабистони, Миср, Баҳрайн, БАА, Яман, Ливия ва Мальдив бошқа бир араб давлати Қатар билан дипломатик алоқаларни узди. Бунга Қатар Эронни ва терроризмни қўллагани сабаб сифатида кўрсатилмоқда.