Роберт Мугабе: «Ҳафта ичидаги воқеалар қудратимга таъсир кўрсатмайди»

Фото: Philimon Bulawayo / REUTERS

Зимбабвенинг ҳарбийлар томонидан уй қамоғига жойлаштирилган президенти Роберт Мугабе ўз халқига телемурожаат қилиб, ҳукмрон партиянинг декабрь ойида бўлиб ўтадиган қурултойида раислик қилишни режалаштираётганини айтиб ўтган, деб хабар бермоқда Reuters.

Президентнинг таъкидлашича, ўтган ҳафта ичида юз берган воқеалар мамалакат конституциясига ёки унинг давлат раҳбари сифатидаги ҳукмронлигига таҳдид уйғота олмайди.

«Биз бир биримизни кечиришни ва турли зиддиятларни биродарлик руҳида ҳал қилишни ўрганишимиз керак», — деган у.

У кўплаб давлатларнинг аҳолисидан фарқли ўлароқ, Зимбабве халқи зиддиятларнинг тинч йўл билан ҳал бўлишини исташига ишончи комил эканлигини ҳам таъкидлаган.

Илгари оммавий ахборот воситалари Мугабе истеъфога чиқишга розилик билдиргани ҳақида хабар тарқатган эди.

#Зимбабве #Роберт Мугабе

14 ноябрь куни Зимбабведа ҳарбийлар мамлакат пойтахтига кирди. 15 ноябрь куни мамлакатга 37 йилдан буён раҳбарлик қилиб келган Роберт Мугабе ва оиласи қўлга олинди.