Олимлар соч тўкилишига қарши восита ихтиро қилишди

Жанубий Корея олимлари соч ўсишига тўсқинлик қилувчи икки оқсиллар гуруҳини аниқлашди. Journal of Investigative Dermatology журналида шунга доир тадқиқот тақдим этилди.

Клиник кузатувлар давомида Йонсей Университети мутахассислари сочлари тўкилаётган одамларнинг тўқималарида CXXC5 оқсили меъёрдан юқори бўлишини аниқлашди. У DSH оқсили билан бирикиб, соч фолликулалари регенерациясига тўсқинлик қилади. 

Тадқиқотчилар икки оқсил бирикмасини блокловчи ва янги сочларнинг ўсишини рағбатлантирувчи препаратни ишлаб чиқишди. Ўтказилган тажрибалар даволаш курслари бошланганидан 28 кун ўтиб сезиларли ижобий ўзгаришлар намоён бўлганини кўрсатди. 

Манбага кўра, препарат устидаги ишлар давом эттирилади, зеро у бутунлай сочсиз қолган кишилар учун ҳозирча самарали эмас.