Иқболжон Холдоров ютқазди

Фото: KUN.UZ

WSB сериясига кирувчи мусобақада иштирок этаётган «Uzbek Tigers» ва «Cuba Domadores» жамоалари ўртасидаги бокс кечасининг навбатдаги жанги бўлиб ўтди.

-64 кг вазн тоифасида рингга кўтарилган Иқболжон Холдоров «Cuba Domadores» вакили Энди Крузга қарши рингга кўтарилди.

Беш раунд давом этган жангда ҳакамлар берган баҳоларга кўра, «Cuba Domadores» вакили ғалаба қозонди.

Ушбу жангдан сўнг «Uzbek Tigers» - «Cuba Domadores» жамоалари ўртасидаги ҳисоб 2:1 кўринишини олди.

Навбатдаги жангда -75 кгда Исроил Мадримов Арлен Лопезга қарши рингга чиқади.