Лаос фожиаси. Тўғон ўпирилиши оқибатида 40 киши ҳалок бўлди

Лаосда тўғон ўпирилиши туфайли юз берган сув тошқинлари натижасида 40 дан ортиқ киши ҳалок бўлди. Бу ҳақда жабрланганларга ёрдам йиғаётган кўнгиллилар гуруҳи баёнотида айтилади.

Шунингдек, хабар қилинишича, яна 200 дан ортиқ инсон бедарак йўқолган, деб ҳисобланмоқда.

Сепиан-Се ГЭСининг Нам Ной қўшимча қурилаётган тўғони ўпирилган, натижада Санамсай туманидаги 42 қишлоқдан олтитаси сув остида қолди.

Лаос бош вазири Тхонглун Сисулит вазирлар маҳкамаси мунтазам мажлисини ортга сурди ва воқеа рўй берган жойга йўл олди. У қидирув-қутқарув амалиётини шахсан назорат қилмоқчи.

Эслатиб ўтамиз, аввалроқ Лаосда тўғон вайрон бўлгани, юзлаб киши бедарак кетгани хабар қилинганди.