Очиқ Wi-Fi тармоқларидан хавфсиз фойдаланиш бўйича 7 маслаҳат

Киберхавфсизлик

Очиқ Wi-Fi-тармоқлар уй интернетига қараганда ишончсиз. Ахир уларни ким созлагани ва унинг ортида қандай одамлар ўтирганини билмайсиз. Ўз маълумотларингизни ҳимоя қилиш учун қуйидаги маслаҳатларни қўлланг.

Текширилган тармоқлардан фойдаланинг

Имкони борича сизга маълум, масалан Starbucks каби тармоқларга уланинг. Уларнинг эгалари шусиз ҳам биз орқали пул ишлашмоқда, шунинг учун бизга зарар келтиришмаса керак.

Очиқ Wi-Fi тармоқларидан ҳеч бири тўлиқ хавфсиз бўлмайди. Бунинг бари  - уни ким тақдим этаётгани ва унда сиз билан бирга қандай одамлар борлигига боғлиқ. Бироқ таниш тармоқлар нотанишларига қараганда яхшироқ.

HTTPS протоколидан фойдаланинг

Агар сайт шифрланмаган HTTP уланишдан фойдаланса, браузерлар, масалан Google Chrome уни хавфли дея белгилайди. HTTP ҳақидаги огоҳлантиришга эътибор беринг, айниқса очиқ Wi-Fi нуқталаридан фойдаланганда. HTTPS-уланишдан фойдаланганингизда тармоғингиздаги одамлар сайт сервери билан алмашаётган маълумотларни олишолмайди. HTTP орқали эса улар сиз амалга ошираётган ишларни осонлик билан кўрадилар.

Ўта кўп маълумотларни берманг

Жамоат Wi-Fi’дан фойдаланганда эҳтиёт бўлинг, айниқса, уланишдан олдин электрон почта манзилингиз ёки телефон рақамингиз каби шахсий маълумотлар сўралса. Агар интернетга киришингиз жуда зарур бўлса, текширилган тармоқни танланг ёки асосий бўлмаган почта манзилини беринг. 

AirDrop функцияси ва файлларни юборишни чекланг

Агар очиқ тармоқда ишласангиз ва бегоналар билан файллар алмашишни истамасангиз, муайян функцияларни ўчириб қўйинг. Ноутбукда буни тармоқлар ва умумий уланишни бошқариш марказида амалга ошириш мумкин.

Шартномани диққат билан ўқинг

Балки бу бефойда маслаҳатдир. Бироқ бари жиддий – оммавий Wi-Fi’га уланиш вақтида барча шартларни текширинг. Албатта, баъзида у ерда тушунарсиз нарсалар кўп бўлади, бироқ хавфли жиҳатларни сезишингиз мумкин. Масалан, банд, сиз ҳақингизда қандай маълумотлар тўпланади ва кейин нима учун қўлланилади каби.

Агар ҳеч нимани тушунмасангиз, гуглдан изланг ва бу ҳақида бошқа фойдаланувчилар нима ёзганларини ўқинг.

VPN’дан фойдаланинг

Очиқ Wi-Fi тармоқларидан самарали ҳимояланиш усулларидан бири бу – VPN’ни ўрнатиш. VPN қурилмангиздан юбораётган маълумотларни шифрлаб, сизни ишончли серверга улайди. Шу йўл орқали бошқа фойдаланувчиларга маълумотларингизни олиш ва тармоқда нима қилаётганингизни билиш қийинроқ бўлади.

VPN'га уланиш жуда осон. Махсус дастур ўрнатилганидан кейин ундан қандай фойдаланиш батафсил тушунтирилади. Агар тез-тез шаҳар бўйлаб юрсангиз, турли тармоқларга уланасиз. Яхши VPN’га пул аяманг.

Қўшимча маслаҳатлар

Келажакда янги хавфсизлик протоколи WPA3 пайдо бўлади ва очиқ Wi-Fi тармоқлари анча ишончлига айланади. Бироқ кўпроқ таҳдидлар эскирган дастурий таъминот сабаб вужудга келади. Шунинг учун ноутбук ёки телефонингиз учун сўнгги янгиликларни албатта ўрнатинг. Ҳар қандай ҳолатда ҳам очиқ Wi-Fi’дан юкламанг ва янгиликларни ўрнатманг (жуда зарур бўлган ҳолатлардан ташқари).

Умуман олганда, очиқ Wi-Fi тармоқлари билан юзага келадиган муаммоларни четлаб ўтишнинг яхши усули – улардан фойдаланмаслик. Шунга қарамай, умумий Wi-Fi тармоқдан фойдаланишга қарор қилсангиз, ўзингизни ҳимоя қилиш учун ушбу маслаҳатлардан фойдаланинг.