Жанубий Корея тез тайёрланувчи лағмон экспорти бўйича рекорд ўрнатди

Фото: Ahn Young-joon/AP

2018 йил охиригача Жанубий Корея бошқа мамлакатларга 400 млн долларлик тез тайёрланувчи лағмон етказиб беради. Бу ҳақда ТАСС Корея Республикасининг қишлоқ хўжалиги ва денгиз маҳсулотларини тарқатиш бўйича корпорацияси маълумотларига асосан хабар қилмоқда.

Корпорациядан айтишларича, январь ойидан ноябрь ойига қадар лағмон экспорти йиллик ҳисобда 11,2 фоизга ўсиб, 385 млн долларни ташкил этди. Бу кўрсаткич ўтган йилги рақамдан кўпдир - 2017 йилда бундай маҳсулотлар экспортидан 381 млн доллар олинган.

Қайд этилишича, йил охирига қадар сотувларнинг бундай суръатларида лағмон экспорти 400 миллион долларлик рекорд кўрсаткичдан ошиб кетади. Шу билан бирга, 300 миллион долларлик рақамга ўтган йили илк маротаба эришилганди.

Эслатиб ўтамиз, аввалроқ олимлар тез тайёрланувчи лағмондан қандай зарар етказилишини баҳолашганди.

#Жанубий Корея #лағмон