Қўшимча функционаллар
-
Тунги кўриниш
Қозоғистон президенти Тошкентга етиб келди
Фото: Президент матбуот хизмати
Ўзбекистон Республикаси Президенти Шавкат Мирзиёевнинг таклифига биноан Қозоғистон Республикаси Президенти Қасим-Жомарт Тоқаев 14 апрель куни давлат ташрифи билан Тошкентга келди. Бу ҳақда Президент матбуот хизмати хабар бермоқда.
Тошкент халқаро аэропортида олий мартабали меҳмонни Ўзбекистон Бош вазири Абдулла Арипов кутиб олди.
Маълум қилинишича, давлат ташрифининг асосий тадбирлари 15 апрель куни Кўксаройда бўлиб ўтади. Тор ва кенгайтирилган таркибдаги музокараларда икки томонлама ва минтақавий ҳамкорликни янада ривожлантириш истиқболлари муҳокама қилиниши, қатор муҳим икки томонлама ҳужжатлар имзоланиши режалаштирилган.
Президентлар Ўзбекистонда Қозоғистон йилининг расмий очилиш маросимида ҳам иштирок этади.
Мустақил Қозоғистон тарихида илк марта президент ўзгариб, Назарбоев истеъфосидан сўнг, Тоқаев мамлакат раҳбари лавозимига киришган. Фаолиятининг илк ҳафтасидаёқ Тоқаев Қозоғистон пойтахти номини ўзгартиришни таклиф этди ва парламент буни тасдиқлади.
Унинг илк давлат ташрифи Россия Федерациясига, шундан сўнг Ўзбекистонга амалга оширилди.
Мавзуга оид
23:22 / 14.10.2019
Қозоғистон президентининг ўғли сурати биринчи бор эълон қилинди
08:42 / 16.04.2019
Шавкат Мирзиёев ва Қасим-Жомарт Тоқаевнинг қўшма баёноти матни эълон қилинди
08:21 / 16.04.2019
Қозоғистон президенти Ўзбекистонга қандай таклиф билан чиққани маълум бўлди
00:09 / 16.04.2019