Ассанж соғлиғи ёмонлашгани сабабли турма шифохонасига ўтказилди

Фото: Henry Nicholls / Reuters

WikiLeaks асосчиси Жулиан Ассанж Британиядаги Белмарш турмасининг тиббий бўлимига жойлаштирилди. WikiLeaks унинг соғлиғи юзасидан жиддий хавотир билдирган.

Таъкидланишича, Ассанжнинг саломатлиги у Эквадор элчихонасида “инсоннинг асосий ҳуқуқларига тўғри келмайдиган” шароитларда 7 йил ўтказганидан кейин анча ёмонлашган. Ассанжнинг адвокати Пер Самуэльсоннинг айтишича, WikiLeaks асосчисининг соғлиғи ўтган жума куни шундай аҳволда бўлганки, у билан нормал суҳбат олиб боришнинг иложи бўлмаган.

“Белмаршдаги 7 ҳафтадан кейин унинг соғлиғи ёмонлашишда давом этган, у жуда ориқлаб кетган. Турма раҳбариятининг уни тиббий бўлимга жойлаштириш қарори бундан даракдир”, деб қўшимча қилинган WikiLeaks’да.

Ассанжнинг экстрадицияси бўйича навбатдаги суд йиғилиши 30 май куни Лондоннинг Вестминстер округи судида бўлиб ўтади. Журналистнинг экстрадицияси бўйича жараён 2 май куни бошланган. Ҳозир британ суди АҚШдан унинг экстрадиция қилинишига рухсат берувчи ҳужжатлар тақдим қилинишини кутмоқда.

#Жулиан Ассанж #WikiLeaks

Журналист, WikiLeaks сайти асосчиси Жулиан Ассанж жосуслик можаролари ҳақидаги ўта махфий материалларни эълон қилиб келган. 2010 йилда Швецияда уни ҳибсга олиш учун ордер берилди. 2012 йилда Ассанж Эквадорнинг Лондондаги элчихонасига яширинди ва ушбу давлат раҳбариятидан сиёсий бошпана сўради. У етти йил давомида элчихонада яшади, 2019 йил 11 апрель куни Эквадор унга бошпана бўйи