Коронавирус: Кунлик ҳолатлар сони 1000га яқинлашди

«2021 йил 5 август ҳолатига кўра, Ўзбекистонда коронавирус инфекцияси қайд этилганлар сони 134826 (+974) нафарни ташкил этмоқда», дейилади ССВ хабарида.

Бу пандемия давридаги энг юқори кўрсаткич ҳисобланади. Бундан аввалги антирекорд бир кун олдин қайд этилган - 5 август куни 951та янги ҳолат ҳақида эълон қилинганди. 

Янги касалланиш ҳолатларининг:

• 103 нафари Қорақалпоғистон Республикасида,
• 41 нафари Андижон вилоятида,
• 19 нафари Бухоро вилоятида,
• 110 нафари Жиззах вилоятида,
• 35 нафари Қашқадарё вилоятида,
• 21 нафари Навоий вилоятида,
• 40 нафари Наманган вилоятида,
• 102 нафари Самарқанд вилоятида,
• 27 нафари Сирдарё вилоятида,
• 105 нафари Сурхондарё вилоятида,
• 96 нафари Фарғона вилоятида,
• 40 нафари Хоразм вилоятида,
• 110 нафари Тошкент вилоятида,
• 125 нафари Тошкент шаҳрида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган.

Кеча кун давомида:

• Қорақалпоғистон Республикасида 128 нафар,
• Бухоро вилоятида 22 нафар,
• Жиззах вилоятида 124 нафар,
• Қашқадарё вилоятида 36 нафар,
• Навоий вилоятида 30 нафар,
• Наманган вилоятида 20 нафар,
• Самарқанд вилоятида 70 нафар,
• Сурхондарё вилоятида 98 нафар,
• Фарғона вилоятида 82 нафар,
• Хоразм вилоятида 73 нафар,
• Тошкент вилоятида 87 нафар,
• Тошкент шаҳрида 112 нафар бемор тузалиб, касалликдан соғайганлар жами 128191 (+882) нафарга етди ва соғайиш кўрсаткичи 95 фоизни ташкил этмоқда.

Сўнгги бир кунда коронавирусга чалинган беморларнинг 6 нафари вафот этиб, расмий статистика бўйича касалликдан вафот этганлар сони 916тани ташкил қилмоқда.

Шунингдек, 5 август куни 547 кишида пневмония аниқланиб, жами ҳолатлар сони 13531тага етди. Сўнгги бир кунда беморларнинг 551 нафари соғайиб, умумий соғайганлар сони 6046 нафарни ташкил қилмоқда. 

Шунингдек, 3 нафар бемор вафот этиб, шу кунгача пневмониядан вафот этганлар сони 90 нафарга етди.