Қўшимча функционаллар
-
Тунги кўриниш
Жаҳон | 17:04 / 24.11.2021
5217
1 дақиқада ўқилади
Швеция ҳукуматига илк бор аёл киши раҳбар бўлди
Магдалена Андерссон 26 ноябрь куни қирол Карл XVI Густав билан учрашганидан сўнг вазирлар маҳкамаси раҳбарлигини расман қабул қилиб олади.
Фото: AP
Швеция парламенти мамлакат молия вазири, социал-демократик ишчи партияси етакчиси Магдалена Андерссон номзодини бош вазирликка қўллаб-қувватлади. У Швеция тарихидаги илк аёл бош вазир бўлди, деб хабар берди SVT телеканали.
У 26 ноябрь куни қирол Карл XVI Густав билан учрашганидан сўнг вазирлар маҳкамаси раҳбарлигини расман қабул қилиб олади.
Андерссон октябрда, собиқ бош вазир Стефан Левен социал-демократик партия раҳбарлигини тарк этганидан сўнг партия етакчиси этиб сайланганди.
Левен ҳукуматни 2014 йилдан буён бошқарган. У 10 ноябрь куни истеъфога чиқишини эълон қилди.
