Беларусда кутилмаганда ҳарбий машғулотлар бошланди

Қайд этилишича, текширув ўтказишдан мақсад, шахсий таркибнинг инқирозли вазиятларга тайёрлиги ва салоҳиятини баҳолашдан иборат.

Фото: AP

Беларусда тезкор жавоб қайтариш кучлари салоҳиятини кутилмаганда текширувдан ўтказиш бошланди.

Текширув давомида ҳарбий қисм ва бўлинмалар жанговар шайлик ҳолатига ўтиш, белгиланган ҳудудларга жойлашиш ва ўқув-жанговар вазифаларни бажариш каби машғулотларни ўтказади.

Ҳарбий қисм ва бўлинмалар нотаниш ҳудудларда тез ўзгарадиган шароитларда ҳаракат қилади, дейилади Беларус мудофаа вазирлиги хабарида.

Текширувга жалб этиладиган кучлар таркиби босқичма-босқич оширилиши айтилмоқда.

Таъкидланишича, «ушбу тадбирлар Европа ҳамжамияти учун ҳам, қўшни давлатлар учун ҳам ҳеч қандай хавф туғдирмайди».

#ҳарбий машғулот #Беларус