Кимлар ва нималар давлат чегараси орқали навбатсиз ўтказилиши маълум қилинди

Қайд этилишича, улар қуйидагилар:

• қонун ҳужжатлари ва халқаро шартномаларга мувофиқ муайян имтиёзларга эга шахслар ва улар кетаётган автотранспортлар;
• оғир беморлар, ҳомиладор ва ногиронлар, 7 ёшгача болалар, уларга ҳамроҳлик қилувчилар ва улар кетаётган автотранспортлар;
• халқаро йўналишларда йўловчиларни мунтазам ташийдиган транспортлар;
• тирик ҳайвонлар, тез бузиладиган товарлар, радиоактив материаллар, ОАВ учун хабарлар ва бошқа материаллар;
• табиий офатлар, авариялар, ҳалокатлар оқибатларини бартараф этишда зарур бўлган ва инсонпарварлик ёрдами сифатида юбориладиган товарлар, ушбу товарлар олиб ўтиладиган транспортлар;
• президент администрацияси ёки ҳукумат тегишли ёзма топшириғига мувофиқ шахслар, транспортлар ва товарлар;
• Ўзбекистон хориждаги дипломатик ваколатхоналари ва консуллик муассасаларига юбориладиган товарлар;
• Ўзбекистон олий қонунчилик, ижро этувчи ва суд ҳокимияти органларига юбориладиган товарлар.