Қўшимча функционаллар
-
Тунги кўриниш
Бухорода “права” учун имтиҳондан ўтказиб қўймоқчи бўлган шахслар қўлга олинди
Улар 4 нафар фуқарони алдаб, 700 АҚШ доллари эвазига ҳайдовчилик гувоҳномасини олиш учун ўтказиладиган имтиҳондан ўтказиб қўйишни ваъда қилишган.
Фото: ИИБ ахборот хизмати
Бухорода ҳайдовчилик гувоҳномаси билан боғлиқ фирибгарлик ҳолати фош этилди. Бу ҳақда вилоят ИИБ ахборот хизмати хабар берди.
Маълум қилинишича, ҳуқуқни муҳофаза қилувчи органлар ходимлари томонидан тезкор тадбир ўтказилган. Унда фуқаролар А.С. ва М.М. олдиндан жиноий тил бириктириб, ҳайдовчилик гувоҳномасини олиш учун ўтказиладиган имтиҳонларни ваколатли танишлари орқали ижобий ҳал этиб беришни ваъда қилган ҳолда 4 нафар фуқародан 700 АҚШ доллари олгани аниқланган.
Тезкор тадбир давом эттирилганда, ушбу жиноий гуруҳ аъзоларидан бири 12 декабр куни Бухоро шаҳар Олимпия захиралари коллежи олдида фуқаро А.С.дан қўшимча 200 доллар олаётган вақтида жиноят устида ушланган.
Ҳолат юзасидан Жиноят кодексининг 168-моддаси 2-қисми билан жиноят иши қўзғатилиб, дастлабки тергов ҳаракатлари олиб борилмоқда.
Олдинроқ Бухорода ҳайдовчилик гувоҳномаси олиш учун имтиҳондан ўтказиб қўйишни ваъда қилган автомактаб ходимлари ушланганди.
Мавзуга оид
17:03 / 15.12.2024
Бухорода ҳайдовчи маст ҳолда автобус бошқариб, одам ташиётганда ушланди
07:10 / 13.12.2024
Икки ҳудудда фуқароларга “права” олиб беришни ваъда қилган шахслар ушланди
15:29 / 03.12.2024
Бухоро шаҳрининг тарихий қисмида мотоцикл ва скутер кабиларнинг ҳаракати чекланди
11:04 / 02.12.2024