Қўшимча функционаллар
-
Тунги кўриниш
Сурхондарёда кучли чанг бўрони кузатилмоқда
Электр энергиясида узилишлар юз берган, Термиз аэропорти самолётларни қабул қилмаяпти.
Фото: Ижтимоий тармоқлар
13 июнь куни Сурхондарё вилояти маркази Термиз шаҳри ва айрим туманларида кучли чанг бўрони кузатилмоқда.
Кўриниш масофаси 1100 метргача қисқарган. Ноқулай об-ҳаво сабаб, соат 18:45 дан ҳудудларда электр энергиясида узилишлар юз беряпти.
Жумладан, Денов шаҳри ва тумани, Шўрчи, Узун ва Олтинсой туманларининг айрим ҳудудларида 6625 истеъмолчи тармоқ хавфсизлигини таъминлаш мақсадида электр энергияси таъминотидан узилган. Шамол кучи пасайгач, улар электр тармоғига қайта уланиши айтилмоқда.
Термиз аэропортидаги ноқулай об-ҳаво шароити туфайли Silk Avia компаниясининг «Тошкент-Термиз» йўналиши бўйича парвоз қилган самолёти Бухоро халқаро аэропортига йўналтирилган.
