Хорватия мезбон Нидерландияни мағлуб этиб, Миллатлар Лигаси финалига йўл олди

Нидерландияда Миллатлар Лигасининг финал босқичи бошланди. 

Биринчи яримфиналда мезбонлар Хорватия билан тўқнаш келиб, голларга бой беллашувда мағлубиятга учрашди. Асосий вақтда жангавор дуранг қайд этилган бўлса, қўшимча бўлимларда Модрич сардорлигидаги меҳмонлар ғалабани илиб кетишди.

Иккинчи яримфиналда 15 июн куни Италия ва Испания ўзаро рўбарў келади. Ғолиб жамоа 18 июн санасида Хорватия билан финалда, мағлуб эса ўша куни Нидерландияга қарши 3-ўрин учун баҳсда майдонга тушади.

Миллатлар Лигаси. Яримфинал
Нидерландия —Хорватия 2:4
14 июн, «Де Куйп»
Голлар: Мален (34), Ланг (90+6) — Крамарич (55, пенальти), Пашалич (72), Петкович (98), Модрич (116, пенальти).
Нидерландия – Бейло, Думфрис (Ланг, 85), ван Дейк, Гертрюйда, Аке (Маласиа, 106), Копмейнерс, де Йонг, Виффер (Вейналдум, 75), Симонс (Вегорст, 64), Гакпо (де Рон, 106), Мален (Бергвейн, 75).
Хорватия – Ливакович, Юранович (Станишич, 79), Вида, Шутало (Петкович, 90), Перишич, Модрич (Баришич, 119), Ковачич (Маер, 85), Брозович, Пашалич, Иванушец (Влашич, 78), Крамарич (Эрлич, 90).
Огоҳлантиришлар: Ковачич (17), Пашалич (24), де Йонг (38), Брозович (63), Ливакович (90+1), Копмейнерс (93), Маласиа (116).