Қўшимча функционаллар
-
Тунги кўриниш
Ўзбекистон | 11:17 / 16.01.2024
27792
1 дақиқада ўқилади
Навоийда аномал совуқ кузатилди
16 январ куни тонгда вилоят шимолидаги “Оқбайтал” кузатув станциясида 17 даража совуқ қайд этилди.
Фото: Kun.uz
Навоий вилоятининг шимолий ҳудудларида ҳаво ҳарорати 17 даражагача пасайди. Бу ҳақда Навоийгидромет хабар берди.
Маълум қилинишича, 15 январдан 16 январга ўтар кечаси вилоятнинг Учқудуқ, Томди туманлари ҳамда Зарафшон шаҳрида 6-12 даражагача, шимолий Қизилқум ҳудудларида жойлашган «Оқбайтал» метеорологик станциясида эса 17 даража совуқ кузатилган. «Оқбайтал»да тупроқ юза қатламидаги минимал ҳарорат 27 даража совуққа етган.
Шунингдек, шимолий ҳудудларда 1-7 см қалинликда қор қоплами сақланиб турибди. Куннинг кеча-кундузлик ўртача ҳарорати, шу кун учун хос бўлган кўп йиллик меъёр кўрсаткичлардан 1-8 даража паст бўлган.
