Қўшимча функционаллар
-
Тунги кўриниш
Қамчиқ довони автомобиллар ҳаракати учун қайта очилди
Довонда қалин қор ёққани сабабли 9 соат 40 минут давомида автомобиллар ҳаракати чекланиб турди.
Фото: Kun.uz
Қамчиқ довони автомобиллар ҳаракати учун қайта очилди, деб хабар бермоқда ФВВ матбуот хизати.
Маълум қилинишича, Фақулодда вазиятлар вазирлиги тегишли хизматлар билан ҳамкорликда олиб борилган муҳофаза тадбирларини мувофиқлаштириб борган. Амалга оширилган зарурий тадбирлар натижасида жорий йилнинг, 8 феврал куни соат 10:30 да Қамчиқ довони автомобиллар ҳаракати учун қайта очилган.
Олдинроқ қалин қор ёққани сабабли 8 феврал куни соат 00:50дан А-373 халқаро автомобил йўлининг Қамчиқ довони қисми автомобиллар ҳаракати учун вақтинча ёпилгани ҳамда вазият оқибатларини бартараф этиш борасида профилактик тадбирлар амалга оширилаётгани хабар қилинганди.
