Қўшимча функционаллар
-
Тунги кўриниш
Қозоғистонга 500 та Starlink тизими ускуналари олиб келинди
Қўшни давлат Starlink тизими ускуналаридан 2 000 та олиб улардан олис ҳудудлардаги мактабларни тезкор интернет билан таъминлашда фойдаланмоқчи.
Қозоғистонга Starlink тизимининг дастлабки 500 та тўплами етиб келган. Бу ҳақда Zakon.kz нашри хабар бермоқда.
Ускуналарни Рақамли ривожланиш, инновациялар ва аэрокосмик саноат вазири Багдат Мусиннинг ўзи қабул қилиб олган.
Вазирнинг сўзларига кўра, Қозоғистон жами 2 мингта Starlink сунъий йўлдош тизими келади ва улар қишлоқлардаги 2 000 та мактабни юқори тезликдаги интернет билан таъминлайди.
“Ускуналарни қабул қилиш жараёнини шахсан текшириш учун Олмаотага келдим. Келгуси ҳафтада Туркистон ва Оқмўла вилоятларидаги Starlink тизимини ўрнатишга тўлиқ тайёр бўлган мактабларга етказиб бериш бошланади”, деган Багдат Мусин.
Вазир Starlink ускуналарининг кейинги партиялари 10 кундан кейин етиб келишини ва барча ҳудудларга тарқатилишини маълум қилган.
Маълумот учун, ҳозирча Қозоғистонда Starlink сунъий йўлдош тизими интернет алоқасидан шахсий мақсадларда фойдаланиб бўлмайди. Бу ноқонуний ҳисобланади.
Мавзуга оид
23:10 / 23.12.2024
Россия Қозоғистонда 7 млн долларлик фирибгарлик ишида айбланаётган Ўзбекистон фуқаросини экстрадиция қилди
17:57 / 23.12.2024
Қозоғистонда йўлда бузилиб қолган автобусдан ўзбекистонликлар қутқарилди
20:04 / 21.12.2024
Ғойиб бўлган машиналар иши: асосий фигурант Абдулла Абдурасуловнинг шериклари қамалди, унинг ўзини терговчи қўйиб юборган
22:08 / 19.12.2024