Ўзбекистонда “Театр томошалари ҳафталиги” ўтказилмоқда

21–27 март кунлари “Театр томошалари ҳафталиги” доирасида “Очиқ эшиклар куни” эълон қилинган. Бу ҳақда Маданият вазирлиги хабар берди.

Маълум қилинишича, 21–27 март кунлари республика бўйлаб “Театр томошалари ҳафталиги” доирасида барча театрларда декорация ва либос кўргазмаси, ижодий учрашувлар, маҳорат дарслари ҳамда спектакл ва театрлаштирилган концерт дастурлари намойиш этилмоқда. Давлат театрларида ташкил этилаётган барча тадбирларга ташриф буюриш бепул.

Маълумот учун, президентнинг тегишли қарори ҳамда ЮНЕСКО ҳузуридаги Халқаро театр институтининг IХ конгрессида 27 март Халқаро театр кунини Ўзбекистонда кенг нишонлаш таъсис этилган. Шунга кўра, ҳар йили 21–27 март кунлари “Театр томошалари ҳафталиги” ўтказилади.