Қўшимча функционаллар
-
Тунги кўриниш
Ўзбекистон элчиси Қозоғистон президентига ишонч ёрлиқларини топширди
Ўзбекистоннинг фавқулодда ва мухтор элчиси Бахтиёр Иброҳимов Қозоғистон президенти Қосим-Жўмарт Тўқаевга ишонч ёрлиқларини топширди.
Фото: "Дунё" АА
Маросим Қозоғистон раҳбарининг "Оқўрда" қароргоҳида бўлиб ўтди. Ўзбекистоннинг янги элчиси ишонч ёрлиқларини топширар экан, Қозоғистон президентига қозоқ тилида мурожаат қилди.
Тадбир давомида Испания, Эстония, Судан, Руанда, Доминикан Республикаси ва Маврикий элчилари ҳам ўзларининг ишонч ёрлиқларини топширдилар.
Президент Қосим-Жўмарт Тўқаев элчиларни ушбу лавозимга киришишлари билан табриклар экан, Қозоғистон ташқи сиёсатининг устувор йўналишлари ҳақида таъкидлади ва уларга икки томонлама муносабатларни ривожлантириш борасидаги дипломатик фаолиятларида улкан муваффақиятлар тилади.
Элчи Бахтиёр Иброҳимов 1 сентябр куни Қозоғистон пойтахтига ташриф буюрган эди. У 2018-2024 йилларда Ўзбекистоннинг Остонадаги элчиси лавозимида ишлаган Саидикром Ниёзхўжаев ўрнига тайинланди.
Мавзуга оид
14:01
Қибрайда Қозоғистондан тортилган яширин ерости қувури аниқланди
09:00
Қозоғистонда AZAL лайнери ҳалокати версияларига ҳозирча баҳо берилмади
20:58 / 26.12.2024
Катта эҳтимол билан Россия ракетаси зарба берган. Оқтовдаги авиаҳалокатнинг иккинчи кунига келиб яна нималар маълум?
19:17 / 26.12.2024