Қўшимча функционаллар
-
Тунги кўриниш
Crew Dragon-8 космик кемаси ХКСдан муваффақиятли қайтиб келди
Космик кема россиялик космонавт ва уч нафар америкалик астронавт билан Флорида штатидаги Пенсакола шаҳри яқинида океан сувига қўнишни амалга оширган.
Фото: NASA
Американинг SpaceX компаниясига тегишли Crew Dragon-8 космик кемаси россиялик космонавт ва уч нафар астронавт билан Флорида штатидаги Пенсакола шаҳри яқинида океан сувига қўнишни амалга оширди, деб хабар беради NASA.
Экипаж космосда 236 кун бўлган. Шундай қилиб, NASA астронавтлари Меттю Доминик, Майкл Барратт ва Жанетт Эппс, шунингдек, «Роскосмос» космонавти Александр Гребенкин Халқаро космик станциядаги (ХКС) етти ойлик миссиясини якунлади.
Экипаж NASA’нинг Хюстондаги Космик марказига етказилади, бундан олдин улар тиббий кўрикдан ўтишлари лозим.
Crew Dragon кемаси Халқаро космик станцияни 24 октябр куни соат 00:05 да тарк этган. Кеманинг ажралиши бир неча бор қолдирилган эди. Аввалига у 7 октябрда ХКС ажралиши, экипаж эса эртаси куни Ерга қайтиши керак бўлган. Шундан сўнг, жараён 8 октябрга, кейинроқ 10 октябрга кўчирилди.
Crew Dragon кемаси ХКСга 2024 йилнинг 4 март куни учиб борганди.
Аввалроқ «Роскосмос» давлат корпорациясининг бошқариладиган «Союз МС-26» космик кемаси автоматик равишда Халқаро космик станциянинг «Рассвет» модулига туташгани тўғрисида хабар берилганди. Транспорт кемаси бортида — «Роскосмос» космонавтлари Алексей Овчинин ва Иван Вагнер, шунингдек, NASA астронавти Доналд Петтит бўлган.
Мавзуга оид
22:21 / 17.12.2024
SpaceX ракетаси янги авлод GPS сунъий йўлдошини орбитага олиб чиқди
20:07 / 16.12.2024
WSJ: Илон Маск ўз компанияси АҚШ ҳарбийлари ва разведка топшириғи билан космосга нималар жўнатаётганини билмайди
22:55 / 11.12.2024
Илон Маск 400 миллиард доллардан ортиқ бойликка эга дунёдаги биринчи одамга айланди
17:20 / 20.11.2024