“Эрудит Kun.Uz” турнири бошланди: Telegram Premium мукофотлари кутмоқда!

Kun.uz телеграм ботида 2025 йил 15 январдан бошлаб янги “Эрудит Kun.Uz”  турнирига старт берилади. Бу билан сиз нафақат Ўзбекистон ва дунё янгиликларидан бохабар бўласиз, балки салоҳиятингизни оширасиз, билимингизни синовдан ўтказиб, олдинда кутиб турган мукофотларни ҳам қўлга киритиш имконига эга бўласиз. Бу жуда осон.

Турнирда қатнашиш шартлари:

• Ҳар кунлик иштирок: кун давомида бир марта бўлса ҳам ботга кирганингизда сизга бонус тангалар тақдим этилади.
• Саволларга жавоб бериш: ботдаги викторина саволларига тўғри жавоб бериш орқали олинган тангалар тўпланади. Ҳар тўғри жавоб учун 3 танга берилади, нотўғри жавоб учун жарима йўқ, аксинча иштирок учун 1 танга оласиз. Саволлар қизиқарли ва осон, ботда кун давомида сизни зериктириб қўймаслик учун бор-йўғи учта савол берилади.
• Рейтингда ўз ўрнингизни кузатиш: ҳар куни янги саволлар эълон қилинади ва сизнинг умумий рейтингдаги ўрнингиз тангаларни қанча кўп топишингизга қараб ўсиб бораверади. Бот рейтингида сизнинг ўрнингиз алоҳида қайд этилади. Ўзингизни ва бошқа иштирокчиларни мунтазам кузатиб турасиз.

Telegram Premium’ни қўлга киритиш учун

Турнирга ҳар куни кириб, кунлик бонус тангаларни ва тўғри жавоблар учун тақдирловчи тангаларни олганингизда – биринчи кун 1 танга, иккинчи кун 2 танга, учинчи кун 3 танга ва шу тариқа ҳар куни бонус тангалари сони ортиб боради. Турнирда мунтазам иштирок этиб, жавобларингиз орқали 30 кунда максимал 465 танга тўплаш имкониятингиз бор. Бунинг учун кундалик иштирокни тўхтатиб қўймаслигингиз керак. Чунки ой якунида шаффоф сарҳисоб ботда кўринади. Ғолибларга эса:

• 3 та биринчи ўрин: 1 йиллик Telegram Premium.
• Кейинги 10 иштирокчи: 6 ойга Telegram Premium.
• Кейинги 20 иштирокчи: 3 ойга Telegram Premium тақдим этилади.

“Эрудит Kun.Uz” турнири 2025 йил 15 январ куни бошланади ва 30 кун давом этади.

Муҳим маълумот:

• Турнирнинг рейтингини кузатиш учун, Telegram ботда пастки ўнг бурчакда жойлашган «Ещё/Yana» бўлимига ўтишингиз керак.
• Бу бўлимда турнир жадвали ва мукофотлар ҳақида тўлиқ маълумотларга эга бўласиз.

Турнирда иштирок этиш орқали нафақат билимингизни синаш, балки Telegram Premium мукофотини қўлга киритиш учун курашинг!

Telegram-бот👉 @Kunuz_News_Bot