Britaniyalik bokschi ringda olingan jarohatlardan vafot etdi

O‘rta og‘ir vaznda ishtirok etuvchi britaniyalik bokschi Mayk Touell o‘zining hamyurti Deyl Evansga qarshi jangda olingan jarohatlardan vafot etdi, deb xabar bermoqda Daily Mail nashri.

Bokschilar o‘rtasidagi jang 29 sentabrda Glazgoda bo‘lib o‘tgandi. Jang vaqtida Touell og‘ir nokautga uchragan va ringdan zambillarda olib chiqib ketilgan hamda shifoxonaga yetkazilgan.

Bokschining menejyeri Touell olingan jiddiy jarohatlardan faqatgina o‘pkani sun'iy shamollatuvchi qurilma yordamida nafas olayotganini ma'lum qilgan. Baxtga qarshi, bokschi o‘ziga kelmay  , 1 oktabrga o‘tar kechasi 26 yoshida olamdan ko‘z yumdi.