Tennischi Marrey Buyuk Britaniyaning yil sportchisi deb topildi

Tennischi Endi Marrey BBC talqini bo‘yicha, Buyuk Britaniyada yil sportchisi deb topildi.

"Joriy yil butun britan sporti uchun a'lo darajada o‘tdi. Men bunga daxldor ekanimdan faxrlanaman. Endi rafiqam bilan gaplashib olsam ham bo‘ladi, bir soat oldin u boshqa sportchiga ovoz berganini aytdi", deb izoh bergan Marrey.

Marrey Professional tennischilar uyushmasining yakuniy reytingida birinchi o‘rinni egalladi. Tennischi 2016 yilda Riodagi Olimpiadani, Uimbldon musobaqasini yutdi hamda Fransiya va Avstraliya ochiq chempionatlari finaligacha yetib bordi.

BBC talqiniga ko‘ra, qirollikning yil jamoasi "Lester" futbol klubi bo‘ldi, klub bosh murabbiyi Klaudio Raneri esa yil murabbiyi deb topildi.