AQShda «Harvi» qurbonlari soni 40 kishiga yetdi

AQShga yopirilgan «Harvi» dovuli oqibatida qurbon bo‘lganlar soni 40 kishiga yetdi. Bu haqda CNN telekanali xabar bermoqda.

Telekanalning ta'kidlashicha, halok bo‘lganlar soni yana oshishi mumkin.

Qidiruv-qutqaruv amaliyoti davom ettirilmoqda. Unga qutqaruv vertolyotlari ham jalb qilindi.

Aholining bir qismi tabiiy ofat oqibatlari tufayli oziq-ovqat va ichimlik suvisiz qolgan.

Avvalroq CNN jurnalisti jonli efirda bir kishini qutqarib qolgani xabar berilgandi.