Suriya Rossiyaga AQShning portlab ketmagan ikkita raketasini topshirdi

Foto: Omar Sanadiki/Reuters

Suriyalik harbiylar Rossiyaga AQShning ikkita qanotli raketasini yubordi, ular Suriyaga zarba berish chog‘ida portlab ketmagan. Bu haqda TASS manbaga asosan xabar qilmoqda.

«Har ikki raketa ancha yaxshi holatda. Ular 17 aprel kuni rossiyalik harbiylarga topshirildi», - deya ma'lum qilgan manba.

Shuningdek uning qo‘shimcha qilishicha, ushbu raketalar 18 aprel kuni «samolyot bilan Rossiyaga jo‘natilgan».

Ta'kidlanishicha, agentlik ushbu ma'lumotni rasman tasdiqlashi mumkin bo‘lgan axborotni ololmagan.

Eslatib o‘tamiz, avvalroq Rossiyaning BMTdagi doimiy vakili Vasiliy Nebenzya Suriya prezidenti Bashar Asadga qarshi harbiy kuchni qo‘llash uni muzokaralarga majburlay olmasligi haqida ma'lum qilgandi.

#Rossiya #AQSh #Suriya #raketa

AQSh prezidenti Donald Tramp 14 aprel kuni Suriyaga nisbatan raketa hujumi boshlanganini bildirdi. AQSh va uning ittifoqchilari Suriyada kimyoviy qurollar ishlatilishiga javoban Asad hukumatiga qarshi harbiy amaliyot o‘tkazmoqda.