Shifokorlar Skripallar nima sababdan tuzalib ketganini tushuntirib berishdi

Solsberidagi shifoxona shifokorlari Sergey va Yuliya Skripalni davolash qanday qilib muvaffiqiyatli natija berganini tushuntirib berishdi. Bu haqdagi tegishli lavha «Bi-bi-si»ning hali efirga chiqmagan Newsnight dasturida bor bo‘lib, u dasturning tvitterdagi sahifasida e'lon qilindi.

«Bu odamlarni davolashdagi muvaffaqiyatning jiddiy qismi generik preparatlar bilan juda yaxshi bazaviy intensiv terapiya, shifokorlarning ajoyib jamoaviy ishi, hamshiralarning fidoyiligi bilan bog‘liqdir», - deya aytib o‘tdi intensiv terapiya bo‘limi mudiri Dunkan Myurrey.

Uning qo‘shimcha qilishicha, «vaziyatdan xabardor xalqaro ekspertlar» katta hissa qo‘shishgan.

Eslatib o‘tamiz, avvalroq Yuliya Skripal haqida yangi ma'lumotlar paydo bo‘lgandi.