Andrey Miklyayev murabbiylikka qaytdi

Andrey Miklyayev «Surxon» klubiga bosh murabbiy qilib tayinlandi. Bu haqda termizliklar matbuot xizmati xabar beradi.

Eslatib o‘tamiz, mavsum boshida «Surxon»ga Ilhom Mo‘minjonov bosh murabbiy bo‘lgan edi. Ammo u O‘FA tomonidan 1 yilga diskvalifikatsiya qilingach, o‘rnini vaqtinchalik Anvar Soliyev egalladi. Miklyayev kelganidan so‘ng, u sport direktori lavozimiga o‘tkazildi.

Andrey Miklyayev asli surxondaryolik bo‘lib, 2016-2018 yillarda Toshkentning «Lokomotiv» klubida bosh murabbiy va yordamchi murabbiy bo‘lib ishlagan, «PRO» murabbiylik litsenziyasiga ega.

«Surxon» klubi o‘tgan mavsumda Pro-Liga A guruhida ishtirok etib, 4-o‘rinni egallagan edi.