Qoʻshimcha funksionallar
-
Tungi ko‘rinish
Hujjatdagi xato o‘zini o‘lganga solgan jinoyatchini fosh qildi
Nyu-York yaqinidagi Hantington shahrida yashovchi fuqaro o‘z o‘limi haqida qalbaki sertifikatni taqdim qilib, odil sudlovdan qochishga urindi.
US News xabariga ko‘ra, 25 yoshli Robert Berger Lexus avtomobilini o‘g‘irlaganlikda va yuk avtomashinasini tunab ketishda ayblanib, sud hukmini kutayotgan edi. Ammo jazodan qutulib qolish uchun o‘z o‘limini sahnalashtirishga urinib ko‘rdi.
Berger shtatni tark etdi va qallig‘i orqali advokatiga o‘z o‘limi haqidagi sertifikatni yetkazdi. Himoyachi esa uni sudga taqdim qildi.
Dastlab Bergerning o‘limi haqidagi sertifikat shubha uyg‘otmadi va rasmiy hujjatdek ko‘rindi. Ammo prokurorlar sertifikatdagi «registration» so‘zini «regitsration» shaklida yozilganini sezib qolishdi. Hujjatning shrifti ham ularda shubha uyg‘otdi. Sog‘liqni saqlash va statistika departamenti esa sertifikatning qalbaki ekanini tasdiqladi.
Berger Filadelfiya shahri yaqinida hibsga olindi. U huquq tartibot idoralariga qalbaki hujjat taqdim qilganlikda va katolik kollejida o‘g‘rilik sodir qilganlikda ayblandi. Agar barcha ayblovlar tasdiqlansa, Berger 4 yilgacha qamalishi mumkin.
Mavzuga oid
12:13 / 07.12.2024
9 marta qamoqdan qochgan ashaddiy jinoyatchi: “Ayyor Vanka” kim edi?
14:46 / 25.04.2024
Toshkentda talaba Jizzaxda og‘ir jinoyat sodir etib qochib ketgan shaxsni ushlashda yordam berdi
13:09 / 01.10.2019
Xitoyda 17 yil yashirinib yurgan jinoyatchi dron yordamida topildi
15:00 / 12.10.2017