Qoʻshimcha funksionallar
-
Tungi ko‘rinish
Lukashenko Ukraina bilan chegarani to‘liq yopishni buyurdi
Belarus prezidenti Aleksandr Lukashenko chegara qo‘shinlariga Ukraina bilan chegarani to‘liq yopishni buyurdi. U bu haqda Belarus mustaqilligi kuni munosabati bilan o‘tkazilgan tantanali yig‘ilishda ma'lum qildi.
Foto: Kravchenko Andrіy / POOL
«Ukrainadan Belarusga katta miqdorda qurol kelib tushmoqda. Shu sababli chegara qo‘shinlariga Ukraina bilan chegarani to‘liq yopishni buyurdim», deb tushuntirgan prezident.
«Bugun mudofaa otryadlari deb ataluvchi ‘panadagi’ terrorchi yacheykalar fosh qilindi. Bu yacheykalarning maqsadi muayyan ‘iks’ kuni hokimiyatni zo‘ravonlik bilan almashtirish hisoblanadi. Ularning o‘zi ham bu ‘iks’ kun qachon kelishini bilmaydi: bu kunga xalqimizni ‘pishitishlari’ lozim», deb aytgan Lukashenko.
Belarus prezidentining ta'kidlashicha, bunga Germaniya, Ukraina, AQSh, Polsha va Litva aralashgan.
2 iyulda Lukashenko Belarusda keng ko‘lamli aksilterrorchilik amaliyoti yakunlangani va bu bilan bog‘liq holda «Germaniya kansleri va rahbariyatidagi ba'zi shaxslarga» e'tiroz bildirishini aytgan.
Lukashenko 2020 yil 17 sentyabrda Belarusdagi norozilik namoyishlari ortida Polsha va Litva bilan chegarani yopishga hamda Ukraina bilan chegara muhofazasini kuchaytirishga qaror qilgandi.
Mavzuga oid
16:21
Rossiyadagi KXDR harbiylari: ular qanday jang qiladi va dezertirlik qilishi mumkinmi?
11:00
RFda Ukrainaga qarshi urush qatnashchilari imtiyozli ipotekani ololmaydi
08:43
Ukraina MV demobilizatsiya to‘g‘risidagi qonunni tayyorlashni kechiktirishni so‘radi
22:34 / 24.12.2024