Qoʻshimcha funksionallar
-
Tungi ko‘rinish
Chernobil AES Ukraina nazoratiga o‘tgani ma’lum qilindi
Chernobil AES ustidan nazorat fevral oxirlarida rossiyalik harbiylar qo‘liga o‘tgandi.
Foto: Gleb Garanich/Reuters
Chernobil AES ustidan nazorat Ukrainaga qaytarildi, deb ma’lum qildi Xalqaro atom energiyasi agentligi (XAEA).
Ukraina tomonining ma’lumot berishicha, rossiyalik harbiylarning ikki kolonnasi Belarus tomon yo‘l olgan. Stansiya xizmatchilari yashaydigan Slavutichdagi harbiylar ham shaharni tark etgan.
"Shuningdek, Ukraina Chernobil AES maydonida Rossiya kuchlarining bir qismi qolgani, ammo ular ham bu yerni tark etishga tayyorlanayotganini bildirdi", - deyiladi XAEA xabarida.
Avvalroq XAEA rahbari Rafael Grossi Ukrainaga tashrif buyurgan, so‘ngra Kaliningrad shahrida Rossiya hukumati vakillari bilan muzokara o‘tkazgandi.
Rossiya mudofaa vazirligi fevral oxirlarida Chernobil AES ustidan nazorat rossiyalik harbiylar qo‘liga o‘tganini ma’lum qilgandi.
Rossiya-Ukraina urushi
Mavzuga oid
16:21
Rossiyadagi KXDR harbiylari: ular qanday jang qiladi va dezertirlik qilishi mumkinmi?
11:00
RFda Ukrainaga qarshi urush qatnashchilari imtiyozli ipotekani ololmaydi
08:43
Ukraina MV demobilizatsiya to‘g‘risidagi qonunni tayyorlashni kechiktirishni so‘radi
22:34 / 24.12.2024