Qoʻshimcha funksionallar
-
Tungi ko‘rinish
Putin Shoyguning o‘rinbosarlaridan birini ishdan oldi
Rossiya mudofaa vaziri Sergey Shoyguning moddiy-texnik ta’minot ishlari bo‘yicha o‘rinbosari Dmitriy Bulgakov ishdan olindi. Bu haqda vazirlik axborot xizmati xabar bermoqda.
Foto: RIA Novosti
Bulgakovning o‘rnini general-polkovnik Mixail Mizinsyov egallagan. Tayinlovgacha Mizinsev Rossiya mudofaasini boshqarish milliy markazi rahbari lavozimida ishlagan va Donbassdagi harbiy harakatlar borasida doimiy brifinglarda ishtirok etib kelayotgandi.
Vladimir Putin urush boshlanganidan buyon ilk marta Rossiya mudofaa tizimidagi yuqori lavozimda o‘zgarish qildi. Bungacha avgust o‘rtasida Qora dengiz floti qo‘mondoni Igor Osipovning ishdan olinishi urush davridagi Rossiyada amalga oshirilgan eng shov-shuvli iste’fo sifatida qaralayotgandi.
Shoyguning ishdan olingan endilikda sobiq o‘rinbosari Dmitriy Bulgakov kam sonli Rossiya armiyasi generali unvoniga ega harbiy mulozimlardan biri. Uning asosiy vazifasi mamlakat armiyasining moddiy-texnik ta’minotini nazorat qilish va tashkil etish bo‘lgan. Vazirlik axborotiga ko‘ra, Bulgakov boshqa ishga o‘tishi munosabati bilan mudofaa vaziri o‘rinbosari lavozimidan olingan.
Rossiya-Ukraina urushi
Mavzuga oid
20:10
Putin «Tolibon»ni terrorchi tashkilotlar ro‘yxatidan chiqarish imkonini beradigan qonunni imzoladi
18:30
Putin AZAL samolyotiga «Rossiya havo hududida fizik va texnik ta’sir bo‘lgani uchun uzr so‘radi» – Ozarboyjon prezidenti sayti
17:58
Putin samolyot halokati yuzasidan Ozarboyjon prezidenti Ilhom Aliyevdan uzr so‘radi
17:32