O‘zbekistonda rektorlarni saylash tizimi joriy etilishi mumkin 

Rektorlar tashkilot kengashi (jamoasi) tomonidan saylanishi mumkin. Bu «O‘zbekiston – 2030» strategiyasini 2023 yilda sifatli va o‘zi vaqtida amalga oshirish chora-tadbirlari to‘g‘risidagi» prezident qarorida ko‘zda tutilgan.

Unga ko‘ra, 2023 yil oktyabriga qadar oliy ta’lim tashkilotlarining moliyaviy mustaqilligini takomillashtirish va rektorlarni saylash tizimini joriy qilish bo‘yicha takliflar ishlab chiqish vazifasi belgilandi.

Oliy ta’lim tashkilotlari rektorlarini tashkilot kengashi (jamoasi) tomonidan saylash tizimini joriy qilishning maqsadga muvofiqligi bo‘yicha takliflar ishlab chiqiladi.