Qoʻshimcha funksionallar
-
Tungi ko‘rinish
Bektemir tumani hokimi ishdan ketdi
Prezident bosh vazir Abdulla Aripovga lavozimga loyiqligini hal qilishni topshirgan 8 ta tuman hokimlari qatorida Tapil Mahamadziyayev ham bor edi.
Foto: Bektemir tumani hokimligi
Toshkent shahri Bektemir tumani hokimi Tapil Mahamadziyayev vazifasidan ozod qilindi. Bu haqda 2024 yil 6 fevral kuni Toshkent shahar hokimining tegishli qarori qabul qilindi.
Tuman hokimi vazifasini vaqtincha bajarish tuman hokimining moliya-iqtisodiyot va kambag‘allikni qisqartirish masalalari bo‘yicha birinchi o‘rinbosari Fathulla Nigmanovga yuklatilgan.
Tapil Mahamadziyayev 2021 yil iyul oyida Bektemir tumani hokimi lavozimiga tayinlangandi.
Tapil Mahamadziyayev 1976 yilda Toshkent viloyatida tug‘ilgan. Ma’lumoti oliy. U Bektemir tumaniga hokim bo‘lgunga qadar Favqulodda vaziyatlar vazirligining Favqulodda vaziyatlarning oldini olish va ularda harakat qilish davlat tizimi hamda fuqaro muhofazasining tashkiliy ta’minoti va rejalashtirish bosh boshqarmasi boshlig‘i vazifasida ishlagan.
16 yanvar kuni prezident Shavkat Mirziyoyev raisligida 2024 yilda makroiqtisodiy barqarorlik va iqtisodiy rivojlanishni ta’minlash bo‘yicha ustuvor vazifalar yuzasidan o‘tkazilgan videoselektor yig‘ilishida Abdulla Aripovga 8 ta tuman hokimining lavozimiga loyiqligini hal qilish topshirilgandi. Ushbu ro‘yxatda Bektemir tumani hokimi Tapil Mahamadziyayev ham bor edi.
Mavzuga oid
21:40 / 19.04.2024
Toshkent aholisi Bektemir tumanidagi ko‘chalarga nom berishda ishtirok etishi mumkin
14:25 / 06.04.2024
Hashar bahona tashkilotlar xodimlarining bir kunlik ish haqi ushlab qolinyapti. Bu qonunga zid
18:59 / 11.03.2024
Bektemir tumaniga yangi hokim tayinlandi
17:17 / 02.02.2024