Qoʻshimcha funksionallar
-
Tungi ko‘rinish
2023 yilda Amudaryo suvida qaysi davlat ko‘proq foydalangani ma’lum qilindi
O‘tgan yili Afg‘onistonni hisobga olmaganda uchta mamlakat Amudaryodan taxminan 47,58 km kub suv olgan.
Foto: Getty Images
2023 yilda O‘zbekiston Amudaryo suvining 38,4 foizini ishlatgan. Bu taxminan 18,3 km kubga teng.
Meteojurnal'ning yozishicha, 2023 yil Amudaryo Afg‘oniston hisobga olinmaganda uch mamlakat – O‘zbekiston, Turkmaniston va Tojikistonga taxminan 47,58 km kub suv bergan.
Daryo suvidan eng ko‘p foydalangan mamlakat Turkmaniston bo‘lgan. Ushbu mamalkat Amudaryo suvining 42 foizini ishlatgan. Bu qariyb 20 km kub suv demakdir.
O‘zbekiston o‘tgan yili Amudaryoning 38,4 foiz (taxminan 18,3 km kub), Tojikiston esa 19,8 foiz (taxminan 9,4 km kub) suvidan foydalangan.
Nashrga ko‘ra, Turkmaniston suvdan samarasiz foydalanayotgan davlatlar orasida yetakchilardan biri. Rasmiy aholi ma’lumotlaridan kelib chiqilsa, Turkmanistonda 2023 yilda Amudaryodan suv olish aholi jon boshiga 6741,7 metr kubni tashkil qilgan.
Oylar kesimida ham Turkmaniston Amudaryodan eng ko‘p foydalanuvchi bo‘lgan. Faqat fevral, mart va iyul oylarida O‘zbekiston Turkmanistonga nisbatan Amudaryodan ko‘proq suv olgan.
Oldinroq O‘zbekistonda Suv yetkazib berish xizmati davlat muassasalari tashkil etilishi xabar qilingandi.
Mavzuga oid
18:05 / 20.12.2024
Sadir Japarov: Qirg‘izistonda tejalgan har bir litr suv qo‘shnilarimizga yordamdir
16:38 / 06.12.2024
Markaziy Osiyo mamlakatlari vegetatsiya mavsumi uchun suvni taqsimlab oldi
12:10 / 20.11.2024
O‘zbekistonda foydalaniladigan suv resurslari 90 foizi qishloq xo‘jaligiga to‘g‘ri kelyapti
08:48 / 08.11.2024