Qoʻshimcha funksionallar
-
Tungi ko‘rinish
O‘zbekiston yosh xokkeychilari Osiyo va Okeaniya chempioni bo‘ldi
Toshkent va Samarqandda o‘tkazilgan musobaqa sportchilarimiz g‘alabasi bilan tugadi.
Foto: O‘zbekiston xokkey federatsiyasi
O‘zbekiston terma jamoasi 18 yoshgacha bo‘lgan xokkeychilar o‘rtasida o‘tkazilgan Osiyo va Okeaniya chempionatida g‘alaba qozondi.
Toshkentdagi «Humo» va Samarqand muz saroylari mezbonlik qilgan turnir finalida yosh xokkeychilar Tailand ustidan 2:1 hisobida g‘alaba qozonib, bosh sovrinni qo‘lga kiritdi.
Bosh murabbiy Abdumajid Nosirov shogirdlari musobaqaning barcha o‘yinida g‘alaba qozondi. Jumladan, guruh bosqichida Eron 19:0, Malayziya 29:0, Kuvayt 17:0, Tailand 7:5 hisobida dog‘da qoldirildi. Yarimfinalda BAA 12:0 hisobida mag‘lub etildi.
Uchinchi o‘rin uchun bahsda Mo‘g‘uliston xokkeychilari BAA ustidan 4:2 hisobida g‘alaba qozondi.
Bu o‘zbekistonlik xokkeychilarning ikkinchi shunday yutug‘idir. 2023 yilda Mo‘g‘ulistonda o‘tkazilgan Osiyo va Okeaniya (U18) chempionatida ham O‘zbekiston g‘alaba qozongan edi.
Mavzuga oid
20:58 / 04.11.2024
Sport sohasida korrupsiyaning oldini olish choralari kuchaytiriladi
08:50 / 31.05.2024
Toshkentda muz saroyini o‘z ichiga oluvchi Xokkey sport majmuasi quriladi
18:34 / 29.05.2024
O‘zbekiston xokkey milliy jamoasi jahon chempionatida ishtirok etadi
13:49 / 07.10.2023